حلت المذيعة والممثلة إنجي كيوان ضيفة على قناة Gossips، في مقابلة فتحت المجال للحديث عن دروس تعلمتها من حياتها.
تحدثت إنجي كيوان عن إقامتها في الإمارات التي ولدت فيها، وتأثير انفصال والديها في صغرها، وزواجها من لبناني، ونصائح والدها لها، ومثابرتها على تحقيق حلم التمثيل، ونلخص تصريحاتها في السطور التالي:
- وأنا بكبر في السن كان لازم أشتغل على إني أنتمي للبلدين (الإمارات ومصر)، فتعلمت التقاليد المصرية أكثر، وكانت أصعب حاجة اللغة
- أنا أكبر من أختي بـ 10 سنين، ولما بقيت أم كانت المسؤولية بقت فعلا جزء من شخصيتي
- تجربة انفصال بابا وماما كانت قاسية قوي، لكن قدرت أحولها لحاجة إيجابية، وأكثر حاجة كان نفسي فيها أبني عيلة لنفسي
- كنت عايشة مع ماما، وأنا وبابا كنا قريبين قوي، كان بيكلمني في اليوم يمكن 20 مرة
- تعرضت للتنمر في المدرسة لمدة سنتين ونص. مفيش درس إتعلمته لكن بكره الناس اللي بتتنمر
- دراستي كانت تجربة حلوة إتعلمت منها أقول لأ، وقدرت أبني لنفسي اسم في مجال معين، وأعتبر دراستي قسمة ونصيب
- أنا مش بغير. الغيرة إحساس مش بيجرح غير الإنسان اللي بيحس به، ومش بتغير حاجة
- كنت بندم كتير لما بدأت أعمل "تاتوهات" واتعلمت أشيل الندم من حياتي
- زينة الحياة هي البنون، وإحساس الحب لولادك بيديك إحساس بالكمال وإن الحياة لها معنى
- دايما بفكر أقدم محتوى للمتابعين على السوشيال ميديا يكون تعليمي أو ترفيهي
- المثابرة جزء من شخصيتي، لما تعوز حاجة لازم تفكر فيها طول النهار عشان الكواكب كلها تجيبهالك وربنا طبعا
- بابا علمني أقول لأ قبل آه، ونصحني "لا تكوني حساسة ولا تكوني حشّاشة"، ومزعقش للولاد كتير غير لما أحس إنهم هيعوروا نفسهم أو اللي حواليهم
- لما إتخرجت كان عندي مقابلة لشغل مذيعة، وبابا قال عايز بنتي يستضيفوها في برنامج عشان ذكاءها