أوضح الملحن عزيز الشافعي رأيه في قرار نقابة الموسيقيين الأخير بمنع مجموعة من مؤدي "المهرجانات" من العمل.
وخلال مداخلة هاتفية مع برنامج "على مسئوليتي" الذي يقدمه الإعلامي أحمد موسى على قناة صدى البلد، قال عزيز الشافعي: "كلمات المهرجان 80 % منها ساهم في إفساد الذوق العام، وأنا بشكل شخصي كفنان ضد الرقابة والمنع، لكن كمان ضد إن إحنا نخرج عن الثوابت والتقاليد وقيم توارثناها وبنحاول نقدمها. الإباحية والإسفاف وتدني الألفاظ لمستوى منقدرش نتحكم فيه."
وأضاف: "قرارات النقابة قرارات لها علاقة بالقنوات الشرعية، الحفلات والمناسبات والتليفزيون والإذاعة، لكن الناس يقدروا يغنوا على الإنترنت وتيك توك ويوتيوب محدش هيعرف يوقفهم. الراجل بالقانون مسؤول يشوف إيه اللي يطلع هنا يغني وإيه ميطلعش. هو بينفذ واجبه الوطني ومسؤوليته القانونية."
وتابع: "في نوع جديد من المزيكا هو الراب لكن فيه معنى وقيمة، صحيح ساعات بيخرج عن النص لكن في الأغلب هو فن له قيمة، محدش قال لهم حاجة بالعكس، الدولة نفسها بتعمل لهم حفلات. في تغيير دايما في المزيكا لكن مش لدرجة الجريمة، مهما كان سقف الحرية مش هينفع تحفظ الأطفال أغنية كلامها جريمة."