"كإنه دكتور نفساني".. شريف منير يروي كواليس مشاركته في "أجازة مفتوحة"

فى سينما وتلفزيون

الثلاثاء , 23 نوفمبر 2021 - 01:09

روى الفنان شريف منير كواليس مشاركته في مسلسل "أجازة مفتوحة"، وكشف عن نصيحة تلقاها من الفنان محمد إمام قبل بدء تصوير المسلسل.

وخلال استضافته في برنامج "كلمة أخيرة" الذي تقدمه الإعلامية لميس الحديدي عبر قناة ON، قال شريف منير: "وقت ما قررت لازم أعمل حاجة، والحاجات اللي بتجيلي مبتعجبنيش، قعدت أسعى ورا الموضوع لغاية ما قابلت محمد إمام وقلتله مش لاقي ورق، قاللي روح لأحمد محمود أبو زيد هتلاقي عنده حاجات كويسة."

وأضاف: "روحت لأحمد وكإني روحت لدكتور نفساني، كان ناقص يقوللي بتشتكي من إيه، وقاللي عندي موضوع اسمه أجازة مفتوحة أعتقد هيجعجبك، وعجبتني الحدوتة."

وعن تقديمه عملا مكونا من 40 حلقة قال: "أنا أول مرة أعمل الحكاية دي، هما كانوا 45 حلقة وأنا جاهدت عشان يبقوا 40. إحنا عملنا حاجة خيالية يمكن الجمهور ميعرفهاش، اشتغلنا 8 أيام ووقفنا 3 شهور لظروف إنتاجية وكان رمضان داخل ومسلسلات داخلة، وفجأة لازم نشتغل، فعملنا 40 حلقة في 61 يوم، وكنا بنشتغل ما بين 18 و 22 ساعة في اليوم."