كانت بتنسى الكلام على المسرح..شريف منير يروي ذكريات العمل مع سهير البابلي

فى سينما وتلفزيون

الثلاثاء , 23 نوفمبر 2021 - 00:27

تحدث الفنان شريف منير عن ذكريات عمله مع الفنانة الراحلة سهير البابلي في مسلسل "بكيزة وزغلول" ومسرحية "نص أنا..نص إنتي".

وخلال استضافته في برنامج "كلمة أخيرة" الذي تقدمه الإعلامية لميس الحديدي عبر قناة ON، قال شريف منير: "مدام سهير كانت من الناس المتحمسة لي جدا. اشتغلت معاها بكيزة وزغلول، ومسرحية الناس ماشافوهاش لإنها متصورتش اسمها نص أنا نص إنتي. كان دور مهم جدا بالنسبالي مع سهير البابلي وإسعاد يونس قامتين كبار، وأستاذ أسامة عباس، وإخراج حسين كمال."

وأضاف: "أستاذة سهير البابلي عندها عفوية غير طبيعية تبان أكتر على المسرح، ارتجال مش معقول مفاجئ، وكانت بتديني ثقة في نفسي كبيرة جدا، ودمها خفيف طول الوقت في الكواليس وعلى المسرح، وسخنة جدا وإيقاعها سريع جدا."

وتابع: "هي كانت ساعات بتنسى الكلام على المسرح وتعرف تلم الموضوع، وإسعاد طبعا أستاذة كانت بتلم معاها كتير، وأنا واقف خيبان في النص. في يوم نسيت الكلام وارتجلت كلام كتير قوي الناس بقت بتتنطط على الكراسي."