"كفاية رد الناس عليه"..هاني شاكر يرفض الكلام عن نجيب ساويرس

فى سينما وتلفزيون

الاثنين , 22 نوفمبر 2021 - 21:11

رفض الفنان هاني شاكر، نقيب المهن الموسيقية الكلام عن المهندس نجيب ساويرس ومداخلته التي هاجمه فيها وأبدى دعمه لمؤدي "المهرجانات".

وخلال مداخلة هاتفية مع الإعلامي نشأت الديهي في برنامج "بالورقة والقلم" المذاع عبر قناة TeN TV، قال هاني شاكر: "أنا أرفض إن أنا أتكلم عنه ولا عن اللي حصل، لإن كل المداخلة مكانتش بالمستوى اللي أنا متوقعه، ويكفي رد الناس عليه، وفعلا كان استفتاء شعبي بينه وبين الصحفي اللي عمل مداخلة وراه."

وتحدث هاني شاكر عن القرار الأخير من النقابة بمنع عدد من مؤدي المهرجانات من العمل قائلا: "النقابة ومجلس إدارتها وكلنا بنعتبر نفسنا في مفترق طرق، والموضوع زاد عن حده، وكان لازم وضع ضوابط وأسس عشان نقدر نكمل في المستقبل، وللأسف في ناس مفهمتش القرار، وافتكرت إن المنع تعسفي وبدون سند قانوني ومنع مطلق، ومنع لإننا مستقصدينهم لإنهم أحسن وأشهر وأغنى منا. الموضوع خد منحى تاني خالص، والقانون يعطي النقابة الحق في إنها تتعامل مع من هم أعضاؤها، ومن لم يحمل ترخيص أو تصريح بالعمل مش من حقه إنه يشتغل، ومن حقنا نبلغ كل الجهات المعنية إن هؤلاء ليسوا أعضاء في النقابة."

وأضاف: "هل ينفع دكتور لا يحمل شهادة وتصريح من نقابة الأطباء يعمل عمليات؟ أكيد لأ، وأي مهنة في الدنيا، وإلا نبقى عايشين في غابة. وبعدين أقول لأ أنا بحب الدكتور ده وعاجبني، هبقى أجيبه يعمل عملية، لأ الدنيا مش كده، مش فرض سيطرة وفرض فلوس، الدنيا مش فلوس خالص."