ريم عبد القادر: مش باخد فلوس أعمالي ولو عايزة حاجة بطلبها من بابا وماما

فى سينما وتلفزيون

22 نوفمبر 2021

أوضحت الطفلة ريم عبد القادر أن الاتصال بها للمشاركة في أعمال فنية يكون عن طريق والدها ووالدتها.

وفي مداخلة هاتفية مع الإعلامي سيد علي في برنامج "حضرة المواطن" المذاع عبر قناة الحدث اليوم، قالت ريم عبد القادر: "أنا محدش بيكلمني عشان أنا لسه صغيرة، بابا وماما كإنهم مديرين أعمالي، هما اللي علطول بيتصرفوا."

وأضافت: "الفلوس مش أنا اللي باخدها، مش هعمل بيها حاجة، ولو عايزة حاجة هقول لماما وبابا مش هشتريها بفلوسي. وماما وأختي بيبقوا معايا عادة في الأستوديو."

وعبر سيد علي عن إعجابه بموهبة ريم عبد القادر التمثيلية قائلا: "إحنا فرحانين بيكي قوي وإنت زي بنتنا وواحدة من الأسرة، وإن شاء الله أنا بقول إنت في يوم من الأيام يا حبيبتي وافتكري الكلام ده بإحساسك هتبقي سيدة الشاشة العربية."

وتقوم ريم عبد القادر ببطولة حكاية "مريم" من مسلسل "زي القمر"، وتجسد شخصية طفلة في إحدى دور رعاية الأيتام.

يذكر أن حدوتة "مريم" من بطولة ريم عبد القادر، رشا مهدي، إسلام حافظ، وعفاف شعيب، وسلوى عثمان وغيرهم. الحكاية من تأليف أحمد أنور وأحمد عبد الجواد، وإخراج معتز حسام.