زوج ابنة سهير البابلي يكشف وصيتها الأخيرة: حافظوا على مصر واهتموا بالأيتام

فى سينما وتلفزيون

الأحد , 21 نوفمبر 2021 - 21:55

كشف دكتور رضا طعيمة زوج ابنة الفنانة سهير البابلي الكلمات الأخيرة التي قالتها الراحلة له قبل وفاتها مساء اليوم.

وفي مداخلة هاتفية مع الإعلامية بسمة وهبة في برنامج "90 دقيقة" المذاع عبر قناة المحور، قال زوج ابنة سهير البابلي: "هي كانت دايما توصينا وتقول خلوا بالكم من مصر وحافظوا على بلدكم، حافظوا على بعض وحبوا بعض وترابطوا. آخر كلام قالته لي خليك واقف جنب أخوك عبد الفتاح السيسي، خليك دراعه اليمين، الراجل ده راجل شريف، أقف جنبه يا ضنايا ووصي تلاميذك ومحبيك يكونوا جنب هذا الرجل الشامخ."

وأضاف: "هي كانت تصحا الصبح تقرأ جزأها من القرآن وتعمل أذكار الصباح، وبعد كده تقعد تدعي لفلاحين مصر وقضاتها وجيشها وصنايعيتها، وبعد كده الأمة العربية، وبعد كده تقعد تدعي للرئيس عبد الفتاح السيسي، وتقول أنا من بعد أمه ما ماتت حاسة إن أنا ملتزمة بالموضوع ده، لازم أدعي له كل يوم الصبح."

وعن وصيتها الأخيرة قال: "كلامها الجميل الاهتمام بالأيتام اللي كانت بتهتم بيهم، والاهتمام بالناس اللي كانت بتساعدهم، ودايما كلمتها الشهيرة لبنتها يا نفين حافظي على مجلس القرآن بتاعك."