صابرين ناعية سهير البابلي: فقدنا بهجة الحياة

فى سينما وتلفزيون

الأحد , 21 نوفمبر 2021 - 21:22

نعت الفنانة صابرين الفنانة سهير البابلي قائلة: "البقاء والدوام لله، حقيقي مصر فقدت حاجة كبيرة جدا، فقدنا بهجة الحياة."

وخلال مداخلة هاتفية مع الإعلامية لبنى عسل في برنامج "الحياة اليوم" المذاع عبر قناة الحياة، قالت صابرين: "طبعا السيدة سهير البابلي أنا أصغر بكثير من إن أنا أتكلم عليها، ده تاريخ حافل بالمسرح والسينما وكراكتر الستات اللي ملهاش شبه."

وأضافت: "للأسف كان بقالي فترة مشفتش السيدة سهير لإن كان ممنوع الزيارة، ومع كورونا كنا بنخاف عليهم قوي، لكن كنا بنسأل بالتليفونات من بعيد لبعيد، كانت في سن ميسمحش بالزيارات."

وتابعت: "هي حالة من الحالات لما تقعدي معاها، لو ملقتش حد تضحك عليه تضحك على نفسها، وتسخر من أي حاجة، ولها مفردات لو أي حد في الكون قالها هيبقى دمه تقيل، وكان عندها حضور طاغي حتى بعد ما اعتزلت."