لم يطلب منها التخلي عن فلوس الفن..سهير البابلي تروي تفاصيل لقائها بـ"الشعرواي"

فى سينما وتلفزيون

الأحد , 21 نوفمبر 2021 - 20:11

روت الفنانة القديرة الراحلة سهير البابلي وابنتها نيفين الناقوري في لقاء مع الإعلامي وائل الإبراشي تفاصيل اللحظة التي قررت فيها ارتداء الحجاب واعتزال التمثيل.

في البداية وبعد الحديث عن مسرحية "مدرسة المشاغبين"، سأل وائل الإبراشي سهير البابلي "البعض يقول أن الشيخ الشعراوي طلب منك التخلص من فلوس الفن"، وهو ما علقت عليه قائلة: "واصرف منين وآكل منين، هو مقالش كده، هو قال بلاش الخروج عن النص جامد، ممكن تمثلي حاجات حلوة، حاجات تدي خبرة للشباب، ده كان بيضحك عليها لما كان بيشوفها."

وسأل "الإبراشي" ابنة سهير البابلي هل كانت تشدها للاعتزال؟ فأجابت: "لأ أبدا، أنا شخصيتي الحمد لله إن كل واحد حر، الإسلام والتدين كل واحد حر. بالعكس، بس لما خدت القرار أنا قلت لها مامي مش هترجعي تاني؟ خدي قرار عشان متعمليش بلبلة لناس تانية، لإن إنت لما تلبسي الحجاب هتبقي قدوة لناس تانية" وعقبت سهير البابلي: "كانت شادية حبيبتي الله يرحمها اعتزلت واتحجبت".

وعن لقائها بالشيخ الشعرواي قالت: "طبعا كان شيء جميل، الشيخ الشعراوي حد ميحبش يشوفه؟ إنسان واقعي جدا، ومقاليش اعتزلي ولا الفن وحش أبدا، قال نقي الأدوار الحلوة اللي بتقول كلمة، راجل عقلاني جدا وجميل ودارس."

وردا على سؤال "إيه الموقف اللي قلتي فيه لازم أتحجب؟" قالت: "والله هي نصها بنتي. لأ بلاش ده وبلاش ده، قلتلها خلاص."

واستكملت ابنة سهير البابلي: "يوم ما أنا اتحجبت كانت مامي بتعمل (عطية الإرهابية)، روحت لها المسرح مفاجأة، أنا بروح لها كل يوم، بس يومها روحت وأنا لابسة الطرحة. مامي كانت بتعمل تغيير ملابس عشان بتعمل شخصيتين في نفس الوقت، وهي بتلبس بصتلي وقالت إيه ده إنت اتحجبتي، وقالت عقبالي. الكلمة دي قالتها وهي داخلة على المسرح. وحتى مامي ساعتها احتفلت بحجابي جدا في المسرح وجابت عجل ووزعوه وفرحت قوي."