عمر كمال: إتوقفت 9 شهور بسبب لفظ "خمور وحشيش" وإتعلمت الأدب

فى سينما وتلفزيون

الأحد , 21 نوفمبر 2021 - 01:11

أوضح الفنان عمر كمال أن تقنين مؤدي "المهرجانات" هو من وجهة نظره الطريقة لضمان عدم احتواء الأغاني على كلمات غير لائقة.

وخلال استضافته في برنامج "الحكاية" الذي يقدمه الإعلامي عمرو أديب عبر قناة MBC مصر، قال عمر كمال: "أنا مع أستاذ هاني شاكر جدا في اللي عمله في جزئية، فعلا في كلام مينفعش يتقال، وفي ناس مينفعش تغني. لكن في حتة تانية لازم نقنن المهرجانات زي ما قننا الراب وعملنا ليه شعبة. زي ما وافقنا على الراب لازم نوافق على المهرجانات."

وأضاف: "أنا قلت قبل كده لفظ خمور وحشيش إتوقفت 9 شهور إتعلمت فيهم الأدب. عامل 5 أو 6 أغاني معديين المليار مشاهدة وواقف مش عارف أمسك فلوس. اليوتيوب فيه فلوس كويسة بس اللايف هو الأساس، ولما رجعت مضيت إقرار إن أي كلمات هروح بيها المصنفات أجيزها."

وتابع: "الشباب النهاردة موجودين كل واحد بيغني اللي هو عاوزه. لو إنت احتوتهم وخلتهم يشتغلوا تحت النقابة بتصاريح أنا هخاف أقول كلمة وحشة عشان هتوقف. وأنا قلت قبل كده كلام محدش فهمه، واحد زي حمو بيكا لازم ياخد كارنيه مؤدي مهرجانات. اللي بيوقف حمو قدام لجنة استماع بيظله. إزاي أوقف حمو قدام أستاذ حلمي بكر."