طارق الشناوي: أحمد زكي كان يقول أثناء علاجه بقيت شبه حسين رياض

فى سينما وتلفزيون

الخميس , 18 نوفمبر 2021 - 03:50 | اخر تحديث: الخميس , 18 نوفمبر 2021 - 04:16

أوضح الناقد الفني طارق الشناوي أن فيلم "حليم" كان سيحقق نجاحا أكبر لو قدمه الفنان أحمد زكي وهو في صحة جيدة.

وخلال لقائه مع الإعلامية شافكي المنيري في برنامج "التاسعة" المذاع عبر القناة الأولى المصرية، قال طارق الشناوي: "لما تراجعي الفيلم تحسي إن أداؤه قل درجة. حكالي شريف عرفة كان المفروض أحمد زكي هيجري في المستشفى عشان حبيبته، لكن كان يا عيني بيمشي بالعافية."

وأضاف: "كان لازم يبقى صحته كويسة. هل ممكن اللي يؤدي دور سكران يكون سكران؟ لأ لازم يبقى مستيقظ، وبرضه وإنت عيان متقدرش تؤدي دور مريض."

وتابع: "هو عاش للفن فقط، ومضى 4 أفلام بعد حليم منها رسائل البحر، حتى وهو عيان أحيانا في العلاج يتضخم الوجه أو الإيد أو الرجل، فكان يقول أنا بقيت شبه حسين رياض أقدر أعمل الدور، وكان بيقول أنا شخبطة على الحيط."