"كنت حادة ولازم أتشتم"..تفاصيل لقاء سميحة أيوب ويوسف وهبي

فى سينما وتلفزيون

الأربعاء , 17 نوفمبر 2021 - 03:26

روت الفنانة الكبيرة سميحة أيوب تفاصيل لقائها بالفنان الراحل يوسف وهبي.

وخلال استضافتها في برنامج "كلمة أخيرة" الذي تقدمه الإعلامية لميس الحديدي عبر قناة ON، قالت سميحة أيوب: " يوسف وهبي كان ليا معاه صولة وجولة. كان أستاذ زكي طليمات مدير فرقتنا وأستاذنا، وأيام التطهير جابوا يوسف بيه، وإحنا العيال عملنا ثورة. مسك المسرح وقال اندهوا البنت اللي عاملة ثورة، وأنا قلت لأ لو عايز يكلمي ينزل في الصالون ومعايا زمايلي."

وأضافت: "نزل وكان ظريف جدا، وسألني مالك رافضة كل حاجة، فرديت علشان أستاذنا هو اللي ربانا، وهو قال وماله وأنا أبقى أستاذكو. أنا شايف إنك هتبقي ممثلة كويسة وهايلة إن لم يكن عظيمة، وشايل ليكي دور اسمه أعظم امرأة، أنا وإنت وأمينة رزق."

وتابعت: "أنا إتكسفت ساعتها، لإن لقيته مهذب جدا معايا وكان لازم أتشتم، لإني كنت حادة جدا."