أوضح الناقد الفني طارق الشناوي موقفه من اعتراض عضو بمجلس النواب على إعادة تقديم مسرحية "المومس الفاضلة" بسبب اسم المسرحية.
وخلال مداخلة هاتفية مع الإعلامية لميس الحديدي في برنامج "كلمة أخيرة" المذاع عبر قناة ON، قال طارق الشناوي: "إنت إيه مؤهلاتك عشان تحكم على العنوان وتقول هستنى المضمون وأشوفه؟ إيه مؤهلاتك عشان تحكم على العمل الفني، وإيه علاقتك بالدراما."
وأضاف: "الدراما لها قانون، إذا كان هو مش عارف قانون الدراما ولا عارف يعني إيه تناقض بين مومس وفاضلة. وحتى لما الفرنسيين بيعملوا علامة في الاسم ده لا يعني إنهم عاملين رقابة ذاتية، الكلمة دي بتتقال عادي."
وتابع: "أنا رأيي إن أي تراجع بيزودوا الجرعة، إذا تراجعت عن العنوان يقول شيل من النص. إنت مالك بالنص، مش في جهاز رقابة."