"في البوكس" مع بسمة: بتبسط لما اقرا رسايل "إنت الكراش بتاعي من زمان"

فى سينما وتلفزيون

الأحد , 14 نوفمبر 2021 - 21:11

حلت الفنانة بسمة ضيفة على حلقة من برنامج "في البوكس" على قناة Gossips، وكشفت أسئلة البرنامج جوانب من شخصيتها وحكايات من حياتها.

تحدثت بسمة عن سبب إعجابها بأغنية "بنت الجيران"، ونوعية الرسائل التي تحب استقبالها من متابعيها عبر وسائل التواصل الاجتماعي، ورأيها في الفساتين الغريبة على السجادة الحمراء في المهرجانات، وفيما يلي نلخص تصريحاتها في البرنامج:

- سبب حبي لـ"بنت الجيران" إيقاعها وهي أول أغنية مهرجان سمعتها غالبا

- صوت عمر كمال وحسن شاكوش بيعجبني جدا، والهجوم على الأغنية خلاني أتعاطف معاها

- بتبسط قوي لما حد يبعتلي على السوشيال ميديا إني الكراش بتاعه من زمان

- أنا طفلة مطيعة جدا، وممكن في أوقات أعاند ماما

- بخاف من الزواحف والأسماك والطيور، وأي حاجة مش بتمشي على أربع رجلين

- وأنا صغيرة قعدت فترة طويلة عندي تشوهات من ركوب العجل

- لبست ريش وجلد، ومجتليش فرصة أتجنن للآخر على السجادة الحمرا

- بحب فستان فيلم "واحد صحيح" جدا وهلبسه قريب عشان ملوش صور

- باستثناء عيلتي، بحس الموبايل اقتحام لحياتي، وأفضل الرسايل

- مش من حق حد يكلمني 50 مرة ورا بعض لو مردتش على الموبايل إلا لو حالة طارئة

- بقفش بسرعة وأنسى بسرعة، وبحب الشنط الكبيرة، ومش بخاف أنام في الضلمة

- ممكن أشرب في كوباية ورا حد لو أعرفه قوي

- بتكسف جدا أغني لإن صوتي وحش ومش بحفظ كلمات الأغاني

- بحب أنام والحوض نضيف من المواعين، وممكن أسيب حاجات لتاني يوم لو بنتي مش موجودة

- أفضل ننزل نتقابل أكتر من الرغي ساعة على الموبايل