إلهام شاهين: لفظ "مومس" مذكور في كتب دين وصحيح البخاري

فى سينما وتلفزيون

الأحد , 14 نوفمبر 2021 - 00:14

علقت الفنانة إلهام شاهين على قيام نائب بمجلس النواب بتقديم طلب إحاطة بخصوص مسرحية "المومس الفاضلة"، ووصفه المسرحية بأنها لا تناسب المجتمع المصري.

وخلال مداخلة هاتفية مع الإعلامي خيري رمضان والإعلامية كريمة عوض ببرنامج "حديث القاهرة" المذاع عبر قناة القاهرة والناس، قالت إلهام شاهين: "كل اللي بيعمل حاجة ويحط اسم إلهام شاهين بيشتهر، والنائب هياخد شهرة من ورا الموضوع ده. النهاردة كل الناس بتتكلم عن اسمه، ومكناش بنسمع اسمه قبل كده."

وأضافت: "عايزة أقول للنائب اللي انزعج جدا من لفظ المومس واعتبره لفظ خارج، هذا اللفظ موجود في كتب الدين وصحيح البخاري وأحاديث عن النبي، ميقلش ده لفظ ميصحش تقراه على أفيش."