رحب المطرب رامي عاشور بفكرة تقديم "دويتو غنائي" مع النجمة نيللي كريم.
وفي مقابلة مع برنامج ET بالعربي، قال رامي عاشور: "لو حاجة لذيذة وليها معنى وإحنا الاثنين حاسين بيها ولايقة علينا تمام. لو عملنا أغنية مع بعض أنا اللي هستفيد، نيللي فين وإحنا فين."
وأوضح رامي عاشور دور نيللي كريم في ظهور أحدث أغنياته "أكلم مين" قائلا: "هي بتحبها جدا. أول ما وزعناها قالت في حاجة غلط رحت مغيرها."
وتحدث رامي عاشور عن تصوير الأغنية في نيويورك قائلا: "التصوير كان تلقائي جدا في تايم سكوير في نيويورك وحصل في يومين. كنت على طبيعتي ومكانش في تحضير."
وعن أجواء أولى حفلاته الغنائية في نيويورك، قال: "كنت مبسوط جدا، والناس تفاعلت بشكل غير متوقع. غنيت 4 أغاني، وفي الآخر غنيت أكلم مين مرتين أو تلاتة، وغنيت كإني قاعد مع صحابي."
وأضاف رامي عاشور أنه كان في السابق يكتب الأغاني عن منافسيه في الإسكواش، وبدأ منذ فترة دراسة أساسيات الموسيقى.