بلكونة شهدت ولادة أنشودة إيزيس..ماذا قال هشام نزيه عن موسيقى موكب المومياوات؟

فى سينما وتلفزيون

الاثنين , 8 نوفمبر 2021 - 01:11

أوضح الموسيقار هشام نزيه أن تأليفه موسيقى احتفالية موكب المومياوات الملكية أهم أعماله بالنسبة له وليس أصعبها.

وخلال لقائه مع الإعلامية لميس الحديدي في برنامج "كلمة أخيرة" المذاع عبر قناة ON، روى هشام نزيه ظروف تلحين أنشودة إيزيس للاحتفالية قائلا: "أنا لحنت المقطع ده الأول، مكنتش عارف الكلام حيبقى عليه إيه، وبعد كده قررنا حيبقى عليه كلام بالمصري القديم."

وأضاف: "قعدنا ليلة أنا ونادر عباسي عندي في البلكونة في الأستوديو، ونادر كل ما أغني ميعجبوش صوتي، وكان معانا أحمد الموجي فاتح الكمبيوتر وبيكتب اللي إحنا بنقوله على النوت للمغنين."

وتابع: "المقطع ده كله، بداية من الهارب وبعد كده سولو الفيولين وبعد كده الغنوة وبعدها الاستعراض اللي انفجر، لغاية قبل غنا نسمة محجوب، الجزء ده بالنسبالي حدوتة كنت عايز أحكيها عن مصر اللي أنا أعرفها."