"صحيت على إسعاف وعياط".. حنان تروي ظروف وفاة زوجها المفاجئة

فى سينما وتلفزيون

الأحد , 7 نوفمبر 2021 - 00:11

روت المطربة حنان ظروف وفاة زوجها الثالث المفاجئة، ووصفتها بأنها أسوأ صدمة في حياتها.

وخلال استضافتها في برنامج "نص الكلام"، الذي تقدمه الإعلامية راغدة شلهوب على قناة النهار، قالت حنان: "دي أسوأ مرحلة في عمري، وأتمنى ميشوفهاش بني آدم في الدنيا. كنا قاعدين في الجنينة بنضحك وفجأة مات."

وأضافت: "كنا سهرانين وتاني يوم مسافرين، وكنت أول مرة في حياتي أروح ألمانيا قبله. وإحنا قاعدين ومعانا أصدقاء ليه وأخوه فجأة قررت أطلع عشان أصلي وبعدين أنام. صليت ونمت وصحيت في تحت إسعاف ودكاترة وناس بتعيط، وبعد ما دفناه قعدت فترة مش مصدقة."

وتابعت: "كنت بعيط لربنا وأقول له أنا عارفة إني حصعب عليك وتصحيه تاني، كنت دايما عارفة إنه حيخبط على الباب."