عمارة يوسف شاهين مهددة بالحريق بسبب مخبز..ابنة شقيقته تكشف التفاصيل

فى سينما وتلفزيون

السبت , 6 نوفمبر 2021 - 23:08

كشفت المنتجة والمخرجة ماريان خوري، ابنة شقيقة المخرج المصري العالمي الراحل يوسف شاهين، عن وجود خطر حريق يهدد العقار الخاص به في شارع شامبليون بمنطقة وسط البلد، بسبب فرن مخبوزات في مدخل العقار.

وخلال مداخلة هاتفية مع الإعلامي خيري رمضان، والإعلامية كريمة عوض ببرنامج "حديث القاهرة" على قناة القاهرة والناس، كانت لماريان خوري هذه التصريحات:

- العقار في 35 شارع شامبليون يضم مكتب يوسف شاهين، وكان بيمضي فيه وقت أكتر من بيته

- المخبز مش موجود من زمان، هو من كام سنة كان محل لعرض الحلويات

- الشركة اشترت العقار، ووقتها كان بدأ معرض الحلويات، وبعدها شوية بشوية لقينا زي مخبز وفيه فرن وبيستعمل غاز

- المخبز أجر من مستأجر أصلي مش مننا، وأنا فهمت إن ترخيصه غير مطابق لشروط هيئة التنمية الصناعية

- لازم تكون مساحة الفرن أكتر من 60 متر، ويكون عنده صرف لوحده، وده مش عنده، وفي مدخنة لكن ممكن مش حسب المواصفات

- عملنا إجراءات كتيرة، استغثنا بالحي، وعملنا شكوى لشركة المياه ولمجلس الوزراء وهيئة التنمية الصناعية، والمحير جدا مفيش استجابة من كل الجهات دي

- الإجراء القانوني واخد مجراه، وفي ثغرات ممكن المستأجر يلجأ لها، زي إنه يعمل شركة مع المستأجر الأصلي

- العمارة مبنى أثري وتعتبر من أهم العقارات في وسط البلد، بناها المهندس نعوم شبيب اللي بنى برج القاهرة، ومشهور بالعمارات العالية

- إحنا محتفظين بكل أرشيف يوسف شاهين وعلب النيجاتيف والأفلام، كل دور في العمارة فيه حاجة