سليمان عيد: ألفت نكتة حب من طرف تالت وإيناس الدغيدي رفضتها

فى سينما وتلفزيون

الخميس , 4 نوفمبر 2021 - 01:29

أوضح الفنان سليمان عيد أنه ألف نكتة حب من طرف تالت، التي قالها أمام النجم أحمد حلمي في فيلم "ظرف طارق"، ليستخدمها في فيلم "ما تيجي نرقص"، لكن المخرجة إيناس الدغيدي رفضت استخدام الإفيه.

وخلال استضافته في برنامج "سهرانين" الذي يقدمه النجم أمير كرارة عبر قناة ON، قال سليمان عيد: "في فيلم ما تيجي نرقص أنا صعيدي وبتعلم في مدرسة رقص، والمفروض أقول لواحد صعيدي جنبي إني بحب واحدة ومش عارف أقول لها إزاي. فقلت أنا بحبها بس حب من طرف تالت."

وأضاف: "أستاذة إيناس الدغيدي قالت مش نافع هنا. وبعدها وائل إحسان وأحمد حلمي بيكلموني في ظرف طارق، عندنا 4 شوت عايزين سليمان يركب لنا حاجة فيهم، قلتلهم على حب من طرف تالت وعجبهم قوي. وألفت نكتة تانية هي معاك عشرة خمستين، لأ معايا ستة تمانيتين، كان في عدة موبايل اسمها كده."