صلاح عبد الله: أقنعوني إني أكلت شنبي في "سنبل"

فى سينما وتلفزيون

الأربعاء , 3 نوفمبر 2021 - 23:11

روى الفنان الكبير صلاح عبد الله موقفا حدث أثناء مشاركته في مسلسل "سنبل بعد المليون"، عندما اختفى الشنب المستعار الخاص به قبل تصوير أحد المشاهد.

وخلال استضافته في برنامج "سهرانين" الذي يقدمه النجم أمير كرارة على قناة ON، قال صلاح عبد الله: "من ضمن المشاهد كان في حلقة سمر عاملها سنبل مع الصعايدة اللي بيشتغلوا في الأرض، وكنت مركب شنب كبير، وكنا جعانين جدا وعمالين ناكل، وفجأة قمت عشان أصور. لقيت أستاذ صبحي بيقول فين الشنب بتاعك نشتغل إزاي كده؟ وعملها حكاية، وكلهم وقفوا مع الأستاذ."

وأضاف: "مش عارف مين، يمكن أحمد آدم والنسنسة بتاعته قال أنا شفته بيمضغ حاجة، وأقنعوني إن الشنب وقع في الرز وأنا أكلته."

وتابع: "طبعا صدقت وحالتي النفسية استاءت جدا وبقيت في حيرة، حكمل تمثيل إزاي؟ والشنب حيعمل إيه في بطني؟"