روى الفنان سليمان عيد قصة تفكيره في الزواج لأول مرة، عندما كان في الصف الأول الإعدادي.
وخلال استضافته في برنامج "سهرانين" الذي يقدمه النجم أمير كرارة على قناة ON، قال سليمان عيد: "كانت في خامسة ابتدائي وحلوة وقوي وكانت بتعدي من قدامي. بقيت عارف بترجع من المدرسة كل يوم إمته، وممكن أحارب وأهرب من المدرسة عشان أشوفها، ومرة كتبتلها بحبك بالألف قعدت تتريق عليا."
وأضاف: "روحت لأبويا في أولى إعدادي وقلتله عايز أتجوز، زعقولي طبعا فكتبت قصيدة هجاء في أهلي. وفي أولى ثانوي عرفت مجموعة من أصحابي كان منهم أخوها، اتكسفت وقلت أخت صاحبي، لحد ما إتجوزت. بس كانت جوايا معاناة وبكتب شعر وأسمع عبد الحليم وأقعد أعيط."