أوس أوس: خدت مناعة من عربية مكرونة في إمبابة

فى سينما وتلفزيون

الثلاثاء , 2 نوفمبر 2021 - 00:11

حل الفنان محمد أسامة أوس أوس ضيفا على الفنانة إسعاد يونس في برنامج "صاحبة السعادة" المذاع عبر قناة dmc، واستعاد خلال اللقاء ذكرياته مع الأكل في إمبابة.

وقال أوس أوس: "كان في عربية مكرونة، والراجل بيعمل طبق كبير ويحط شوية مكرونة صغيرين، والمكرونة كلها بصل، فإحنا بناكل بصل بريحة المكرونة، بس كان طعم عالمي. وكان بيغسل الطبق في الجردل، هي دي اللي إدتنا المناعة."

وروى أوس أوس جانبا من ذكريات زياراته لسوق الجمعة مع والده الراحل قائلا: "كنت علطول بروح معاه وكنت بخاف جدا، بلاقي ناس سالقة عصافير، وناس واقفين جنب بعض ودابحين، وحاطين راس الدبيحة وأنا كنت بخاف منها وأنا طفل."