أوس أوس: صورت كليب تامر عاشور بـ 30 جنيه وأقنعت مجرم يمثل فيه

فى سينما وتلفزيون

الثلاثاء , 2 نوفمبر 2021 - 00:04

روى الفنان محمد أسامة أوس أوس قصة قيامه بتصوير كليب لأغنية المطرب تامر عاشور "كلمة شكر"، وظهوره في الكليب بدور المغني.

وخلال استضافته في برنامج "صاحبة السعادة" الذي تقدمه الفنانة إسعاد يونس على قناة dmc، قال أوس أوس: "دي أغنية لتامر عاشور كنت بحبها جدا، وكانت دراما قوي، فقلت لازم أغير الستوري بورد وأخليها تضحك."

وأضاف: "كنا قاعدين فاضيين ومعايا كاميرات قلنا نصور كليب، وتكلفة الكليب كله كانت 30 جنيه جيبنا بيها 7 نسكافيه، وقضينا اليوم كله في الشارع. صورنا بتماثيل متخزنة في مركز الإبداع ورجعنا بسرعة قبل ما دكتور خالد جلال يشوفنا، وبعدها صورنا على كوبري إمبابة."

وتابع: "وإحنا بنصور قابلنا مجرم وقال هاتوا الكاميرا، فعرضنا عليه 10 جنيه، والحمد لله أقنعناه إنه يمثل في الكليب وإنه حيبقى نجم كبير جدا، ومثل معانا في الكليب."