"البوكس" مع ناهد السباعي: ماما صاحبتي الوحيدة ومعنديش صحاب في الوسط الفني

فى سينما وتلفزيون

الأحد , 31 أكتوبر 2021 - 21:53

حلت الفنانة ناهد السباعي ضيفة على برنامج "البوكس" على قناة Gossips، وكانت لها هذه التصريحات خلال اللقاء:

- أبدأ يومي بلعب الطاولة مع ماما لكن مش حريفة

- مش برد على التليفون لو مش حاجة مهمة أو شغل

- موبايلي إتسرق ونمري ضاعت، ومش برد على نمر غريبة

- أنا تقليدية وعندي أجندة بكتب فيها حعمل إيه بكره

- بحاول يبقى عندي روتين يومي، أصحى بدري وألعب رياضة وأهتم بالزرع والبغبغان، وبحب أطبخ

- ماما مسجلاني على الموبايل "بيوتي"، وكلنا مسجلينها "الهانم"

- كنت طفلة متدلعة جدا

- مع أول شغل لوحدي "إحكي يا شهرزاد" عرفت معنى إن أهلي مش موجودين

- ماما كانت حتخنقني مرة بالمخدة، لقيتني بتكلم في التليفون متأخر

- معنديش أسرار، وممكن أقول حاجة شخصية عني لناس أول مرة أشوفهم

- عندي تاتوهات كتير، وبطلت عشان إدمان

- عاملة تاتو فريد أخويا، وسينما، وفراشة، وجملة أمي جنتي الوحيدة

- ماما صاحبتي الوحيدة، ومعنديش صحاب في الوسط الفني

- الرقص بيطلع مني طاقة سلبية، بحب أرقص وأتعلم الرقص

- ماما حلقتلي شعري زي الولاد مرة، محبتش شكلي ومش ممكن أحلق شعري زيرو

- مش ممكن أقول لراجل إني بحبه أو معجبة بيه، لكن بيبان عليا