شيرين رضا: أنا ضد الجواز لنفسي ومن حق نور بنتي تجرب

فى سينما وتلفزيون

الثلاثاء , 26 أكتوبر 2021 - 23:00 | اخر تحديث: الثلاثاء , 26 أكتوبر 2021 - 23:03

حلت الفنانة شيرين رضا ضيفة على الإعلامية لميس الحديدي في برنامج "كلمة أخيرة" المذاع عبر قناة ON، وتحدثت عن ابنتها نور عمرو دياب، ودخولها عالم التدوين على مواقع التواصل، وخطبتها لأجنبي، ونوع التوحد عندها، ونلخص تصريحاتها في السطور التالية:

- حابة ظهور نور على السوشيال ميديا، ونفسي تبقى سعيدة

- كان عندها 500 واحد على أكاونت محدش يعرفه، ومش عايزة حد يعرف عنها حاجة، وقررت الأكاونت يبقى "ببليك"

- نور بسيطة دايما في حياتها، مبتحبش تلبس ماركات وتتباهى، وخدت ده مني

- لما لقت ممكن يكون ليها تأثير، عايزة تقول ممكن تشتري حاجات تمنها بسيط ويبقى شكلها حلو عليكي

- أنا سعيدة بخطوبة نور طول ما هي سعيدة

- الناس كانت فاهماني غلط إن أنا ضد الجواز، أنا ضد الجواز لنفسي، وبنتي من حقها تجرب لو عايزة

- هي شافت تجاربي ومش محتاجة أنصحها

- نور عايشة بره من 10 سنين، وهي نفسها بقت أجنبية، طبعا مصر بلدها، لكن صعب بعد الفترة الطويلة دي تتجوز حد من هنا

- بنتي طبعا واحشاني ونفسي تبقى جنبي علطول

- أنا سني يسمح أقعد في البيت وعيلتي جنبي، هي لسه بتبتدي حياتها، حتكسب إيه لو فضلت جنبي

- نور عندها مستوى قليل من التوحد اسمه أسبرجر، بيبقوا أذكياء جدا، وإيلون ماسك عنده أسبرجر