حل الفنان أحمد حاتم ضيفا على حلقة من برنامج "البوكس" عبر قناة Gossips بموقع يوتيوب، وكانت له عدت تصريحات عن الفنان كريم قاسم، والفنانات هنا الزاهد، جميلة عوض، ومنة شلبي، إلى جانب تصريحات أخرى عن نفسه وممارسته للسباحة، نرصدها في السطور التالية:
- هنا الزاهد غلبانة بتضحك على أي حاجة، ومن الناس اللذيذة اللي بعرف أهزر معاهم، ومش بتبين إنها شخصية رقيقة جدا
- مفيش حاجة اسمها دمي خفيف، الواحد بيبقى على طبيعته أكتر مع الناس اللي بيرتاح لهم
- لما أحس إن الناس شايفة دمي تقيل مبهزرش معاهم
- كريم قاسم أنتج فيلم، وبيتجه لإنتاج الأفلام، وداخل مهرجان القاهرة
- جميلة عوض قبل ما نبقى صحاب كنت بشوفها بطريقة، ولما عرفتها بقيت أشوفها بشكل تاني خالص
- منة شلبي شخص يتحمل المسؤولية بشكل كبير
- الدقن بتغير شكل الراجل زي ما المكياج بيغير شكل الست
- كنت بكتب يومياتي على اللابتوب من فترة طويلة
- سجلت أغنية لبنت كنت مرتبط بيها زمان على CD
- مبحبش أغني قدام حد
- أصحابي بيتريقوا عليا بسبب الحاجات اللي كنت بكتبها على فيسبوك
- تعرفت على مراتي من خلال صديق مشترك في مهرجان الجونة
- كنت بعزل نفسي لما أتضايق، وصحابي بيخلصوني من العزلة
- مؤخرا مبقتش أحب أعزل نفسي، بقيت أحب أواجه عشان ما أضيعش وقت
- لما أكون عايز أعرف أي حاجة عن أي حد بفتح جوجل، جوجل صديق الفلاح
- لما رجعت أتمرن سباحة عشان أعوم في "جينيس ريكوردز" لقيت السباحة اختلفت
- الصراحة ساعات فكرة مش موفقة
- أكتر حاجة بصرف فلوسي عليها الأكل
- ممكن أرد على الفانز على السوشيال ميديا
- بلعب بلاي ستيشن كويس، وبلعب بليفربول
- باكل بإيدي لو بيتزا أو فطير عشان أسهل
- أكتر فيلم عيطت فيه "إنت عمري"
- أحلى ممثلة بره مصر من وجهة نظري ديان كروجر
- لما ابتديت سباحة كنت بلبس مايو "سليب"، وفي فترة مايوه بدلة، ودلوقت شورت
- مبعرفش أرقص وممكن أرقص لو شغل بس