صبا مبارك: دينا الشربيني بتاكل كتير ويتستلف هدومي ومترجعهاش

فى سينما وتلفزيون

السبت , 23 أكتوبر 2021 - 19:11 | اخر تحديث: الأحد , 24 أكتوبر 2021 - 15:10

حلت الفنانة صبا مبارك ضيفة على برنامج "البوكس" عبر قناة Gossips في يوتيوب، وتحدثت في مواضيع متنوعة شملت صفاتها الشخصية، وعلاقتها بابنها وأختها، وصداقتها بالفنانة دينا الشربيني والفنان عمرو يوسف، وكانت هذه تصريحاتها خلال الحلقة.

- أخرج العصبية اللي جوايا في التمثيل ومشاهد التنشن، أو في الكيك بوكس، أو أجري، ومع مرور الوقت حصل عندي إصابات كتير

- أقوى عقاب مني لراجل بقيت أشوفه كإنه مش موجود في الدنيا

- فيلم عن حياتي حيكون أكشن ودراما وكوميدي، حياتي مختلطة وفيها من كل ده، واخترت هدى المفتي تمثل شخصيتي لإنها شبهي

- بيقولوا عني "تنكة" عشان بتكسف قوي، وأغرب حاجة في الكون إني ممثلة

- أكتر سبب لخناقاتي مع أختي بتاخد حاجتي، وتلبس الجينز بتاعي وتبوظه

- أحلام في "حكايات بنات" فيها مني، أي حاجة ممكن تكعبلني وأنا ماشية

- بحل مشاكل طول الوقت، وساعات محدش بياخد رأيي، لكن لازم أنصح غلاسة

- بحب الأغاني الشعبي جدا

- عندي رقصة واحدة لكل الأغاني ونفسي أتعلم الرقص

- أكتر حاجة تميز علاقتي بابني إني مش مامته قوي، أي حاجة يطلبها مني بعملها

- مش حكون حما لذيذة، وحطلع عين مرات ابني طبعا

- حسيب ابني يختار مراته بنفسه، وحبقى محبطة لو اختار واحدة رخمة

- بحب روبي قوي، وآخر أغنية ليها "قلبي بلاستيك"

- عمرو يوسف بيحب النوم، وفي التصوير بين مشهد ومشهد ممكن ينام ساعة

- لو عدت نملة جنبي ممكن أصحى من النوم

- دينا الشربيني بتاكل كتير قوي ومبتتخنش، ومعروف إن دمها خفيف جدا

- أنا ودينا الشربيني صحاب من زمان، ولما كنت ساكنة في مصر كنا عايشين في نفس البيت

- بحب الحيوانات قوي، وممكن أوقف الشارع عشان أعدي كلب، وعندي 3 قطط وكلبين

- بنزل أشتري أي حاجة بشبشب وجينز وشعري منكوش، وبلبس نضارة شمس عشان أستر على الفضيحة

- مبحبش أستلف من صاحبتي فستان أو جزمة، ولو استلفتهم برجعهم علطول

- عندي توتر شديد من التأخير على المواعيد

- بخترع كتير في الأكل الإيطالي والسلطات، وأنا فاشلة في الطبيخ

- مبحبش ألوان النيون، وممكن ألبس كل الألوان

- أنا غيورة ساعات

- اتخانقت في الشارع كتير، ومبحبش المعاكسات