كريم فهمي يتذكر كلماته الأولى لزوجته..وريم مصطفى: معاكسات قديمة

فى سينما وتلفزيون

الخميس , 21 أكتوبر 2021 - 01:10

أوضح الفنان كريم فهمي أنه شعر بوجود كيمياء بينه وبين زوجته في أول موقف جمع بينهما.

وروى كريم فهمي، خلال استضافته في برنامج "سهرانين" الذي يقدمه الفنان أمير كرارة على قناة ON، قصة اللقاء الأول والكلمات الأولى التي سمعتها منه قائلا "أنا ودانيا إتعرفنا عن طريق واحدة صاحبتنا اسمها ريم، بالصدفة كنا في رمضان، وريم قالت أعدي أسلم عليك بس بسرعة عشان معايا صاحبتني ولازم تروح دلوقتي حالا. نزلت أسلم عليهم، وبصيت في العربية، أول جملة قلتها لريم ما إنت ليكي صحاب حلوين."

وعلقت الفنانة ريم مصطفى التي كانت ضيفة البرنامج قائلة: "قالشة، دي كلمة قديمة قوي، محبش أنا المعاكسات القديمة دي، كانت بتاكل عيش زمان."

وسأل كريم فهمي ريم مصطفى "المفروض كنت أقول إيه؟"، فأجابت: "معرفش المفروض تقول إيه، خليك كرييتيف شوية، ناخد أرقام بعض علطول."

وعقب أمير كرارة قائلا: "بس بتاكل، أي حاجة بتاكل."