2 مليون جنيه..قصة مشاركة أحمد السقا في أغلى يوم تصوير سينمائي

فى سينما وتلفزيون

الأربعاء , 20 أكتوبر 2021 - 00:54

يعتبر الفنان أحمد السقا فيلم "تيتو" الصادر عام 2004 الخطوة الثالثة المهمة له في عالم أفلام الأكشن، بعد فيلميه "أفريكانو" و"مافيا".

وخلال حواره مع الإعلامية لميس الحديدي في برنامج "كلمة أخيرة" على قناة ON، استعاد أحمد السقا قصة يوم من أيام تصوير "تيتو" تكلف العمل فيه مليوني جنيه، وكان أغلى يوم تصوير وقتها.

وقال "السقا": "في تيتو كنت بعمل شوتات العربية اللي بجري بيها، وأنزل أغير هدومي، وأركب العربيات اللي بتجري ورايا. مكانش عندنا حد يعرف يعمل الأمريكاني والخمسات والإستنت. حتى الإستنت (الممثل البديل) اللي جبناه عشان ينط في النيل نام في الأرض يوم التصوير وقال مش حنط مش سيفتي."

وواصل أحمد السقا ذكرياته مع مشهد القفز في النيل من أعلى الكوبري قائلا: "يومها كنا السبع كاميرات الـ 35 ميللي الموجودين في مصر كلهم مأجرهم أستاذ هشام عبد الخالق المنتج، كان أيامها أغلى يوم في تاريخ السينما المصرية نسبيا وإتكلف 2 مليون جينه. كان يوم جمعة، وعملت شوت الكوبري 3 مرات، نطيت 3 مرات من فوق الكوبري، وخدت ثقة في قصة الأكشن."