سارة عبد الرحمن: أنا موهومة بـ "ريش"..ممثلون يشرحون أسباب إعجابهم بالفيلم

فى سينما وتلفزيون

الثلاثاء , 19 أكتوبر 2021 - 21:42

أجرت إذاعة "إنرجي" مقابلات مع عدد من الفنانين، التقطت من خلالها ردود أفعالهم بعد مشاهدة فيلم "ريش" للمخرج عمر الزهيري في مهرجان الجونة السينمائي، وكانت هذه آراؤهم:

سارة عبد الرحمن: فيلم "ريش" عجبني قوي، المهرجان هو الحتة اللي بنشوف فيها أفلام بتعمل حاجة جديدة عمرنا ما شفناها قبل كده. الممثلين تحفة، والسينماتوجرافي، اللبس شكله فظيع، والتفاصيل في الفيلم كلها محسوبة. عمر الزهيري عمل عالم خاص أنا استمتعت بيه، أنا موهومة بالفيلم.

يوسف عثمان: عجبني جدا الفيلم، الفيلم جريء وقوي، والمخرج جريء إنه يبين حاجات فيها دموية وقذارة من غير ما يخاف من رد الفعل. في فرضية فانتازي وعالم ديستوبيا، بيتكلموا مصري لكن مصري إمتى وفين محدش عارف.

علاء عرفة: فيلم عميق جدا.

ملك بدوي: الفيلم عجبني، هو فيلم مهرجانات مش لكل الناس، هو أكتر يكسب جوايز، فكرني بكتاب اسمه "ذا مورفوسيس" لكافكا الراجل فيه بيتحول صرصار.