محمود الليثي: بدلة "فطوطة" في الجونة رسالة امتنان لـ سمير غانم

فى سينما وتلفزيون

الاثنين , 18 أكتوبر 2021 - 22:10

شرح الفنان محمود الليثي هدفه من الظهور ببذلة رسمت على ظهرها شخصية "فطوطة" للفنان الراحل سمير غانم، في الدورة الخامسة لمهرجان الجونة السينمائي .

وفي مداخلة هاتفية مع الإعلامية إنجي القاضي في برنامج "مساء dmc"، قال محمود الليثي: "هي مش فكرة على قد ما هي تقدري تقولي رسالة حب أو رسالة امتنان. الأستاذ الراحل سمير غانم هو بالنسبالي أبو الكوميديا، وبما إني كوميديان صغير حبيت أوصل حبي وامتناني لإني في يوم من الأيام إتعلمت منه حاجة وأنا بتفرج معاه أو وأنا بمثل قدامه، وفي يوم من الأيام رسم البسمة على وشوشنا كلنا."

وعن استقبال الفنانين لهذه اللفتة منه في الجونة، قال: "بصراحة الموضوع كان مفاجأة وكل زمايلي إتصوروا مع الصورة وكانوا حابين الموضوع جدا. وأنا إنبسطت إن طاقة الحب دي وصلت، وحاولت أقول شكرا بطريقة فنية."