حبيبي وطلع على إيدي..هكذا علقت إلهام شاهين والنجوم على تكريم أحمد السقا في الجونة

فى سينما وتلفزيون

السبت , 16 أكتوبر 2021 - 22:43

استقبل الوسط الفني تكريم الفنان أحمد السقا بجائزة الإنجاز الإبداعي في الدورة الخامسة من مهرجان الجونة السينمائي بإشادة كبيرة واعتبرها جائزة مستحقة، وكانت هذه تعليقات نجوم ونجمات المهرجان على التكريم.

الفنان أشرف عبد الباقي: ربنا يكرمه هو يستاهل، عامل شغل من زمان جدا. خطوة كويسة جدا ليه وللمهرجان.

الفنانة إلهام شاهين: أحمد حبيبي وطلع على إيدي، كان أول حاجة ليه "نصف ربيع الآخر" في التليفزيون معايا أنا والفخراني ونجح نجاح كبير جدا، ودخل معايا فيلم "هارمونيكا " كان أول فيلم ليه في السينما، كنت أنا ومحمود عبد العزيز، وبرضه نجح نجاح كبير جدا، وبعد كده بقى نجم كبير.

أروى جودة: ألف مبروك إنت تستاهل، إنت أجدع واحد أنا اشتغلت معاه، ومن أكتر الناس اللي بثق فيهم.

أشرف زكي: ألف مبروك يا أحمد، يستحق أكتر من كده وإنت حفرت اسمك. أحمد تعب وبذل مجهود عظيم عشان يوصل للمكانة اللي هو فيها.

ليلى علوي: حبيبي أحمد السقا أقول له ألف مبروك تستاهل، كلنا بنحبك وفرحانين بيك قوي.

سمية الخشاب: ألف مبروك تستاهل كل الخير، إنت إديت كتير قوي عطاء سنين طويلة في السينما، وأفلام جميلة يستفادوا بيها كل الناس.

المنتج جمال العدل: إنت عملت مشوار كبير بدايته معانا. عمل مشوار رائع في السينما، ومن أحد علامات السينما على مدار تاريخها أحمد السقا.

نسرين طافش: من أهم النجوم في العالم العربي ويستحق التكريم.

نجلاء بدر: أحمد السقا لازم يتكرم كل سنة. زميل عزيز وصديق وحبيب ونجم يحتذى بيه.

مي سليم: يستاهل كل الخير، ومن نجاح لنجاح، ومن تألق لتألق، ومن أعمال ناجحة لأعمال ناجحة.

أحمد مجدي: سعيد جدا بالتكريم ده، وأتمنى هذا الملك يفضل مكلل.