طارق الشناوي: عمرو دياب استفاد من التكاتك

فى سينما وتلفزيون

14 أكتوبر 2021

شرح الناقد الفني طارق الشناوي كيف تمكن الفنانان عمرو دياب ومحمد منير من التربع على القمة لمدة 40 عاما بذكاء، لدرجة أن عمرو دياب استفاد من التكاتك.

وخلال لقائه مع الإعلامي يوسف الحسيني في برنامج "التاسعة" على القناة الأولى المصرية، قال طارق الشناوي: "هما عملوا حاجة مهمة جدا، مدخلوش في معارك ضد أي حد بيطلع، اللي يطلع وينجح ينجح، وأستفيد منه، أفهم هو نجح ليه. حتى لو إنت بتغني مهرجانات أو راب، أو بتغني كلام ممكن أنا مقدرش أقوله، أستوعب كل حاجة."

وأضاف: "مثلا عمرو دياب استفاد من التكاتك، لو إنت بتتابع التكاتك حتلاقي دايما على ظهر التوكتوك حكمة مكتوبة، الكلام ده ثقافة، والثقافة دي حتلاقيها في أغاني المهرجانات، هو خدها ناحيته وقدمها."