الكاتب الصحفي مصطفى حمدي: السوشيال ميديا ضخمت حريق الجونة

فى سينما وتلفزيون

الخميس , 14 أكتوبر 2021 - 00:10

أوضح الكاتب الصحفي مصطفى حمدي أن السوشيال ميديا ساهمت في تضخيم الحريق الذي شب اليوم في جزء من قاعة المؤتمرات التابعة لمهرجان الجونة السينمائي.

وفي مداخلة هاتفية مع الإعلامي يوسف الحسيني في برنامج "التاسعة" على القناة الأولى المصرية، قال مصطفى حمدي: "السوشيال ميديا بتكبر الأمور بشكل كبير. أنا قاعد جنب الحدث نفسه، وتخيلت من المكتوب على السوشيال ميديا إن الجونة بتولع. الصورة بتتنقل بشكل مغاير على السوشيال ميديا. ضيوف المهرجان موجودين وبيتوافدوا عليه."

وردا على سؤال عن تفاصيل الحادث، قال: "اللي حصل إن في ماس كهربائي حصل في جزء من المكان اللي بتتعمل فيه الأفتر بارتي، مش المسرح الرئيسي، وعايز أأكد إن المسرح الرئيسي سليم تماما. إنما المكان الخارجي اللي بتتعمل فيه الحفلة والأنشطة الأخرى، كان فيه مدرج خشبي، المدرج الخشبي ده إتحرق. وفورا أجهزة الحماية المدنية وكل الأجهزة المعنية راحت على مكان الحريق."

وعن تأثير الحريق في زيادة الزخم حول المهرجان، قال: "الكلام عن المهرجان زاد أكتر قبل يوم الافتتاح. المكان اللي إتحرق النهاردة لما بكره يطلع بشكل وكإنه مفهوش حاجة، أعتقد إن دي دعاية إضافية للمهرجان."