أروى جودة: مهرجان الجونة خلانا نوصل صوتنا للأجانب

فى سينما وتلفزيون

الأربعاء , 13 أكتوبر 2021 - 21:10

أشادت الفنانة أروى جودة بسرعة الترميمات التي بدأت مباشرة بعد الحريق، الذي شب في مكان مجاور لقاعة افتتاح مهرجان الجونة السينمائي.

وفي مداخلة هاتفية مع الإعلامي تامر أمين في برنامج "آخر النهار" على قناة النهار، قالت أروى جودة: "أي حاجة تدي واجهة كويسة لمصر كلنا نخاف عليها. دي صورتنا كلنا، وده حاجة بتفيدنا وإحنا بنفيدها، دي صورة بتتصدر للعالم."

وأضافت: "المهرجان ده خلانا نوصل صوتنا للأجانب، والحمد لله بقى عندنا المصداقية الكافية زي ما أستاذ سميح قال نقدر نجيب النجوم من غير ما يحتاجوا إنهم يدفعوا لهم. دي حاجة طبعا تشرف."

وعن مكان الحريق، قالت: "الحقيقة الحريقة كانت في المكان اللي جنب المسرح اللي حيتعمل فيه الافتتاح، المسرح نفسه متأثرش، لكن هي الحتة اللي كانوا حيعملوا فيها حفلة ما بعد الافتتاح."

وتابعت: "أنا الحقيقة من أول ما جيت محسيناش بأي حاجة. وكانوا بالفعل طفوا النار على الساعة 3 بعد الظهر تقريبا. وما شاء الله عليهم ابتدوا علطول البنا تاني من أول وجديد وحطوا السقالات، والله أكبر العمالة المصرية بجد حاجة تشرف."

كما أشادت أروى جودة بالاحترام المتبادل بين مهرجاني الجونة والقاهرة السينمائيين قائلة: "في حاجة راقية جدا حاصلة، الاحترام بين المهرجانين، إزاي حفظي بييجي هنا مهرجان الجونة، وباشمهندس نجيب وباشمهندس سميح بيدعموا مهرجان القاهرة. إحنا رسالتنا واحدة."