عايدة رياض: قبلت أدوار الإغراء لهذا السبب

فى سينما وتلفزيون

الأربعاء , 13 أكتوبر 2021 - 02:57

بالرغم من مشاركتها في عدد من أهم الأفلام المصرية مثل "الكيت كات"، "أهل القمة"، "أحلام هند وكاميليا"، اعترفت الفنانة عايدة رياض بوجود أفلام غير مهمة وأفلام مقاولات في مسيرتها الفنية.

وخلال حوارها مع الإعلامية لميس الحديدي في برنامج "كلمة أخيرة" على قناة ON، قالت عايدة رياض: "عمري ما ندمت على أي عمل ليا، في أفلام مش مهمة وأفلام مقاولات، أفلام المقاولات يعني الإنتاج ضعيف، يعني إنت حتاخدي مبلغ ضعيف."

وعن سبب قبولها هذه النوعية من الأفلام قالت: "يعني حفضل على أحلام هند وكاميليا، واللعب مع الكبار مع أستاذ عادل إمام، التلات أفلام دول، أعيش إزاي؟"

وأضافت شارحة موقفها من أدوار الإغراء التي قدمتها: "كل الشغل فيه أدوار إغراء، أنا في نظري مش إغراء هي موضوع وقصة. مثلا اللعب مع الكبار، مش عارفين يتجوزوا، هل مبيحصلش مع أي اتنين بيحبوا بعض يبوسوا بعض؟"

وتابعت: "الكيت كات فيلم علامة، هل عشان إغراء؟ لأ مش إغراء، أستاذ داود عبد السيد كان بيقوللي إنتي في الفيلم إتجوزتي حد إشتراكي بـ 10000 جنيه ومشي، شريف منير ده حبيب عمرك، بس طبعا بيبان للجمهور طالما فيه بوس يبقى إغراء، فخليه إغراء."