"شوفت الموت بعيني"..حنان شوقي تروي قصة إصابتها بجلطة

فى سينما وتلفزيون

الأحد , 10 أكتوبر 2021 - 22:59

روت الفنانة حنان شوقي قصة موقف صعب تعرضت له أثناء قيادتها سيارتها، عندما اكتشفت أنها مصابة بجلطة منذ ثلاثة أيام دون أن تشعر بذلك.

وخلال استضافتها في برنامج "نص الكلام" الذي تقدمه الإعلامية راغدة شلهوب على قناة النهار، قالت حنان شوقي: "أنا شوفت الدنيا زي ما ربنا قال متسواش جناح بعوضة، كنت بموت وأنا في العربية. جالي إحساس وزعلت أتاريني عندي جلطة وأنا معرفش، وماشية بقالي 3 أيام في الحياة عايشة."

وأضافت: "وأنا مروحة في شارع فيصل، فجأة حسيت إن روحي بتروح، وجسمي تلّج وفي حاجة مش طبيعية، بس سايقة. وجوايا أدعية كتير جدا عايزة أقولها لربنا، أنا حشوفه كمان ثانية، وشوفت شارع فيصل كله كرتون كإنه ديكور، إلى أن وصلت البيت وربنا سترها عليا، لقيتني مسكت التليفون وكلمت المخرج ياسر صادق قلتله إلحقني أنا بموت بره البيت، شوفت الموت بعيني."