في حوار قديم مع الفنانة صفاء أبو السعود على شبكة ART، يرد الفنان محمد منير على تصريح نقل عنه عن رغبته في الهجرة من مصر.
يقول محمد منير: "أنا قلت أنا مش حقعد هنا كتير. أنا بشكل طبيعي كل شهر بسافر. أنا بقعد من عمل لعمل تاني في مصر ممكن يكون شهر، فأنا في الفترة دي بسافر، لأن في حاجات كتيرة بتخنقني في حياتي الخاصة وحياتي العائلية وحياة العمل مع زمايلي في مناخ الشغل، فأنا بسافر هناك أتفرج على حفلتين تلاتة في اليوم، بقدر أكون قريب من أي مكان فيه تنوير ثقافي وفيه غنا ومزيكا، وأحتك بناس تانيين."
ويضيف نافيا رغبة الهجرة: "أنا فعلا مريض بحب الوطن وبحب مصر، بس ساعات بنوصل لدرجة عتاب. أنا دايما مسافر بس ممكن اللفظ خاني أو خان هذا الصحفي اللي نقل هذه الكلمة. مفيش كلمة هجرة، إحنا مش حريفة هجرة."
ويحتفل "الكينج" محمد منير اليوم 10 أكتوبر بعيد ميلاده الـ 67.