أحمد فؤاد سليم: لم أجرب حالة الرومانسية في "رق الحبيب"

فى سينما وتلفزيون

الأحد , 10 أكتوبر 2021 - 02:37 | اخر تحديث: الأحد , 10 أكتوبر 2021 - 03:02

أبدى الفنان أحمد فؤاد سليم إعجابه بموضوع حكاية "رق الحبيب" من مسلسل "ورا كل باب" الذي يشارك في بطولته.

وخلال استضافته في برنامج "واحد من الناس" الذي يقدمه الإعلامي عمرو الليثي على قناة الحياة، شرح أحمد فؤاد سليم أسباب إعجابه بالدور قائلا: "مجربتش أبقى محب قبل كده، فكرة الحب ورومانسية الحب جديدة بالنسبالي. كنت فرحان جدا بالموضوع وحسيت من أول لحظة، وقريت تقريبا الخمس حلقات في نفس الليلة اللي وصلتني فيها."

وعن التمثيل أمام الفنانة سوسن بدر، قال: "إحنا اشتغلنا مع بعض أكثر من عمل، فأنا عارفها كويس وهي ممثلة مبدعة."

وأضاف عن شخصية الأب في العمل: "أنا أب أكيد وجد، فالمشاعر موجودة ومعروفة بالنسبالي. وأنا كأب بيهمني قوي الأشياء اللي فيها إنسانيات إحنا مفتقدينها إلى حد كبير. والأولاد اللي مبيسمعوش الكلام، والأبناء العاقين، وفكرة دار المسنين، اللي بقت حضانة للي مبيعرفش يعول أبوه أو أمه. هي مش حاجة وحشة هي حاجة قيمة."

وحكاية "رق الحبيب" عرضت على قناة الحياة، وهي من بطولة سوسن بدر، وأحمد فؤاد سليم، ومحمد نجاتي، وإيمي طلعت زكريا، وتأليف أحمد عبد الفتاح، وإخراج إسماعيل فاروق.