إلهام شاهين: تبرعي بأعضائي بعد الوفاة صدقة جارية

فى سينما وتلفزيون

الأحد , 10 أكتوبر 2021 - 01:23

أكدت الفنانة إلهام شاهين قناعتها بصحة موقفها من التبرع بأعضائها بعد الوفاة.

وخلال مداخلة هاتفية مع الإعلامية دينا عبد الكريم في برنامج "التاسعة" على القناة الأولى المصرية، قالت إلهام شاهين: "أنا مقتنعة جدا جدا، واتأكدت من العلم ومن الدين. الشيوخ المحترمين المستنيرين كلهم قالوا دي صدقة جارية وإن ده شيء عظيم."

وأضافت: "ده موجود في كل الدول المتحضرة، هو مش حاجة جديدة إحنا بنخترعها، موجود في أوروبا وأمريكا، وموجود في العالم العربي في السعودية وتونس وأكتر من بلد."

وردا على سؤال عن رغبتها في تناول موضوع التبرع بالأعضاء في أحد أعمالها الفنية، قالت: "نفسي جدا، وبدأت أكلم الكتاب إن عايزين نعمل عمل، بس مش عمل عشان مناسبة معينة أو عشان إحنا بنثير الموضوع دلوقت. عايزين نعمل عمل يعيش حقيقي ويبقى ليه رسالة هادفة وليها تأثيرها عند الناس."