أوضحت الفنانة مي كساب أنها توقعت رفض والدها زواجها من مغني المهرجانات محمد صلاح "أوكا".
وخلال حوارها مع الإعلامية لميس الحديدي ببرنامج "كلمة أخيرة" على قناة ON، قالت مي كساب: "لما عرفته ماما كانت متوفية بقالها 9 شهور، وبابا في الأول زي أي أب أكيد كان حيرفض. وحتى جوزي كان خايف قوي من طريقة تقديمي ليه لبابايا. فأنا قلتله لو قدمتك ليه صغير حيشوفك طول الوقت صغير، لكن أنا حقدمك ليه بالعين اللي أنا شايفاها، وفعلا رحت وحكيت لبابايا كإنه واحد صاحبي. وبعد ما عدى سنتين على جوازنا قاللي إنت صح وإنتي نجحتي وكسبتي الرهان قدام الجميع."
وردا على سؤال: "المشكلة كانت فرق السن، إن إنت أكبر شوية؟" قالت: "المشكلة أكيد كانت عنده في كل حاجة، فرق السن، أنا ومحمد كمان كشخصيات مش شبه بعض خالص، بس أنا كنت حابة ده."