أحمد آدم يبكي على الهواء ويعترف .. "علبة سجاير" كانت سببا في زواجه

فى سينما وتلفزيون

الثلاثاء , 28 سبتمبر 2021 - 01:14

بكى الفنان أحمد آدم وهو يتذكر اللحظات الصعبة التي مر بها في حياته ودفعته للبكاء، ومنها موقف حدث مع زوجته في فترة الخطوبة.

وخلال لقائه مع الإعلامي خيري رمضان والإعلامية كريمة عوض ببرنامج "حديث القاهرة" على قناة القاهرة والناس، قال أحمد آدم: "وأنا خاطب مراتي، كنا لسه على باب الله، وبعدين جتلي في لحظة حسيت إن مش هينفع، الظروف متنيلة خالص، وبقت المسألة يا أسافر يا مش هينفع."

وأضاف: "ماشيين مرة في سان ستيفانو وإحنا ساكنين في محرم بك، واخدينها مشي ومعييش غير شلن في جيبي وسجارتين. كل ده أنا عايز أمهد لها إننا مش حننفع لبعض، وإنت بنت ناس ومش عايز أبهدلك، وهي بتقوللي يعني إنت كارهني مش عايزني ولّا الموضوع خاص باللي إنت بتقوله، رحت معيط."

وتابع: "فجأة ببص في الأرض لقيت سجارة في سجارة في علبة سجاير، في ربع جنيه في جنيه. الشارع ده الإسكندرانية كلهم عارفينه مبيمشيش فيه بني آدم. قعدت أبص يمين شمال عايز ألاقي حد ماشي يكون وقعت منه الحاجة دي، وهي تقوللي مش قلتلك، ودي سجاير، فما بالك ربنا حيعمل فينا إيه وإحنا بنتجوز."