شريهان تشرح لعروس نظرتها للموضة: ممكن ألبس مفرش سفرة

فى سينما وتلفزيون

الاثنين , 27 سبتمبر 2021 - 21:15

تشتهر الفنانة شريهان على مدى مشوارها الفني بأناقتها وأزيائها المبهرة التي ظهرت بها في العديد من أعمالها مثل فوازير رمضان و"ألف ليلة وليلة"، وأحدثها مسرحية "كوكو شانيل".

في هذا اللقاء القديم مع الإعلامية بوسي شلبي على شبكة ART، تستقبل شريهان رسالة من عروس تطلب منها عنوان مصمم الأزياء الخاص بها، حتى تستعين به في تصميم فستان الفرح.

شريهان ضحكت عندما سمعت السؤال، وردت عليها قائلة: "حتضحك العروسة يا بوسي لو قلتلها العنوان إيه. عنوان مصمم أزياء شريهان شريهان. أنا بحب أصمم لنفسي، ومن وأنا صغيرة جدا بحب أرسم، فمعظم لبسي أو الجولري أو الإكسسوار، شعري أو جزمة، أنا برسمها أو أنا بصمم وبنفذ، طبعا مش أنا اللي بنفذ بس لازم يكون التنفيذ على جودة اللي أنا راسماه."

وأضافت: "وأنا صغيرة كنت بتمنى إن يبقى في برنامج في التليفجن بيعلم إزاي ست البيت أو المدموزيل أو البنت أو الشابة، إزاي من حاجات بسيطة جدا تعرف تلبس. مفرش ممكن ألبسه. مفرش سفرة ممكن ألبسه وأعمله موضة بس أحطه إزاي."