سلوى خطاب: لم أشعر بمشواري الفني إلا بعد اقتراح عمل كتاب عني

فى سينما وتلفزيون

الاثنين , 27 سبتمبر 2021 - 00:43

أعربت الفنانة سلوى خطاب عن سعادتها البالغة بتكريمها في الدورة رقم 37 لمهرجان الإسكندرية السينمائي لدول البحر المتوسط، ووصفت التكريم بأنه مكافأة من ربنا.

وفي مداخلة هاتفية مع الإعلامية لميس الحديدي ببرنامج "كلمة أخيرة" على قناة ON، قالت سلوى خطاب: "والله أنا محستش غير لما جم يقولولي نعمل كتاب عنك، قعدت أفكر وحسيت إن في مشوار مكنتش واخدة بالي منه. أنا بشتغل حاجات ممكن تكون بتحقق نجاحات والناس بتحبها، ده اللي بيبقى هاممني أكتر، بس عمري ما تخيلت إن أنا عندي مشوار فني."

وعن أهم الأعمال والمخرجين الذين تعتز بالعمل معهم قالت: "الحقيقة كلهم، كان حظي حلو إني اشتغلت في كل مرحلة مع مخرجين مهمين جدا، وحتى اللي كانوا منهم بيعملوا أفلام لأول مرة، أستاذ أسامة فوزي، وكريم حنفي. والحمد لله أنا بعتبر نفسي محظوظة إني اشتغلت في مرحلة مع عاطف الطيب، ومع هاني لاشين في الأراجوز، ومع أستاذ حسام الدين مصطفى، دي كانت بالنسبالي مرحلة مهمة جدا، لحد ما جت مرحلة عفاريت الأسفلت، وأستاذ رضوان الكاشف الله يرحمه. دي مرحلة نقلتني من مرحلة أداء لمرحلة أداء تانية جديدة خالص."