دياب يروي موقفا مع محمود عبد العزيز: طلبني في "باب الخلق" واعتذرت بسبب الخوف

فى سينما وتلفزيون

26 سبتمبر 2021

روى الفنان دياب موقفا جمعه بالراحل محمود عبد العزيز أثناء تحضيرات مسلسل "باب الخلق".

وفي حواره مع الإعلامي عمرو أديب ببرنامج "الحكاية" على قناة MBC مصر، أوضح دياب أنه تلقى الكثير من عروض التمثيل بسبب شهرته كمطرب، لكنه كان يقلق من دخول هذا المجال.

وقال دياب: "أستاذ محمود عبد العزيز جابني مرة كان بيعمل مسلسل باب الخلق، فقال لهم هاتولي دياب. أنا كنت بحبه جدا، وهو كان بيحبني وده شرف عظيم ليا. فرحت قعدت معاهم، فقاللي إنت معانا في المسلسل، قلتله يا أستاذ محمود أنا مبعرفش أمثل، قاللي إنت متعرفش إن إنت تعرف، أنا عارف أكتر منك. قلتله طب اختبروني، فقاللي عيب نعمل لك تست إنت نجم يا ابني دلوقت والناس عارفاك، قلتله لأ مش عيب."

وأضاف: "دخلت مع مساعد المخرج أستاذ أحمد السيد عملت المشهدين وانبسطوا جدا، وكان أستاذ عادل أديب المخرج، وتاني يوم اعتذرت وخوفت، وقعدت تلات سنين بعدها بعتذر عن كل الأعمال اللي بتجيلي، لغاية ما جالي ساحرة الجنوب."