رفض الفنان دياب تصنيف "المهرجانات" ضمن الغناء الشعبي.
وخلال لقائه مع الإعلامي عمرو أديب ببرنامج "الحكاية" على قناة MBC مصر، قال دياب: "مفيش حاجة اسمها غنا المهرجانات. المهرجانات دي نوع مزيكا طرأ على المجتمع المصري في الـ 15 سنة الأخيرة ، وابتدا ينتشر بشكل أو بآخر، لكن هو لا ينتمي للأغنية الشعبية."
وأضاف: "الأغنية الشعبية دي اللي إتربينا عليها من قديم الأزل، من أيام أستاذ محمد قنديل، وأستاذ محمد رشدي والعزبي، كان في مطربين عظام، اللي طلع من عبايتهم بعد كده أستاذ عدوية وأستاذ حكيم، بهاء سلطان، واحد زيي وزي مصطفى حجاج، والليثي، هو ده امتداد الأغنية الشعبية."
وعن مواصفات المطرب الشعبي، قالت: "اللي بيغني شعبي لازم يكون صوته حلو قوي وصوته مظبوط، ولازم صوته يملا كل حواسك."