أوضح مطرب المهرجانات حسن شاكوش أنه تقدم بالتماس لمراجعة قرار نقابة المهن الموسيقية بإيقافه لأجل غير مسمى.
وفي مداخلة هاتفية مع الإعلامي عمرو أديب ببرنامج "الحكاية" على قناة MBC مصر، قال حسن شاكوش: "قدمت التماس لإن أنا كانت مشكلتي اللي فاتت أنا غلطت، ودي كانت أول غلطة ليا، وبعدين اللي بيعمل جريمة ولّا بيغلط مش بيحكموا عليه بالسجن مدى الحياة، بيدوله حكم مؤقت 5 سنين أو 10 سنين، ويبقى في تحقيق، إنما حكم مدى الحياة أنا مش شايف إن أنا عامل جريمة. دي كانت مشكلة غصب عني، وطلعت إتأسفت لكل الناس."
واستشهد حسن شاكوش بمثل "إذا كان رب البيت بالدف ضاربا فشيمة أهل البيت كلهم الرقص" ليؤكد أنه لم يقصد بما قاله على المسرح أثناء حفلة غنائية الإساءة إلى الطبالين، الذي تضم فرقته عددا منهم.