نادين: بوظت شغلي بسبب محاذيري وخطوطي الحمرا

فى سينما وتلفزيون

الأحد , 19 سبتمبر 2021 - 02:24

أكدت الفنانة نادين أنها لم تندم على اتخاذ قرار اعتزال التمثيل، أو وضع محاذير وخطوط حمراء في قبول الأعمال التي تعرض عليها، بالرغم من النجومية التي حققتها خلال فترة قصيرة بعد بدايتها.

وخلال لقائها مع الإعلامي عمرو الليثي في برنامج "واحد من الناس" على قناة الحياة، قالت نادين: "كنت حخسر كل حاجة قصاد النجومية. إنت نجمة بتاخد الشهرة، بس الشهرة دي مكسب وخسارة. زي ما في ناس حتقول لك الله إنت خطير في ناس حتخش تشتم فيك احتياطي. إذن إيه ميزة الشهرة لو مش كل الناس مجتمعة على إنها تحبك. نمرة اتنين حلاوة الشهرة فلوسها، طب هل هو ده الشيء الحقيقي اللي باسعى وراه، هل هو الشيء اللي ناقصني وبالنسبالي هدف؟ حسيت لأ، أنا هدفي إني أقدم فن."

وأضافت: "أنا اكتشفت إن وجودي في المجال الفني كممثلة يا أديله طاقتي كاملة بتضحيات، ما يبقاش في حدود، ولما يطلب منك تفن تفن. طب ما أنا عندي محاذير وخطوط عريضة وخطوط حمرا وحاجات مقدرش أعديها. لقيت نفسي بابوظ الشغل اللي بيجيني."