نادين: عايزة صناعة نجم مش قوالب

فى سينما وتلفزيون

الأحد , 19 سبتمبر 2021 - 01:09

وصفت الفنانة نادين الأدوار التي عرضت عليها بعد مشاركتها في مسلسل "ليالي أوجيني"، وحتى مشاركتها في مسلسل "خلي بالك من زيزي" بأنها لم تكن مناسبة لها.

وخلال حوارها مع الإعلامي عمرو الليثي في برنامج "واحد من الناس" على قناة الحياة، قالت نادين: "اكتشفت إني بعد ما قمت بدور الشر في ليالي أوجيني بدأت أتحط في القالب بتاع إستفان روستي، قلت لأ يا جماعة، أنا قبلت الدور ده بشره عشان تحدي، بس مش معناه إن أنا مكملة على خط. أنا عايزة صناعة نجم. عايزة حد يعرف إمكانياتي إيه ويطلعها."

وأضافت: "بدأت تجيلي حاجات أنا شايفة إنها مش مناسبة، أنا مش حتحط في قوالب، لغاية ما جت زيزي. برغم إن الدور أنا ضيفة شرف أول ما إتقال لي مريم نعوم قلت مبدئيا I’m in. أنا بحترم جدا كتابتها وطريقتها والرسايل اللي بتبعتها والقضايا اللي بتناقشها. قالولي يا فندم 5 حلقات، قلتلهم ليهم وزنهم بالنسبالي أنا راضية، أهم حاجة بالنسبالي الكيف مش الكم، لقيت الدور أنا، وقلت كويس أنا حرجع في حاجة تشبهني، ومنها جالي عائلة جيجي."